Chempionlar ligasi 1/8 finalining javob uchrashuvida “Manchester Siti” o‘z maydonida “Leypsig”ni qabul qilmoqda va birinchi bo‘limda Erling Xolandning sa’y-harakatlari bilan ikkita gol urdi. Norvegiyalik hujumchi Yevropa futbolidagi eng nufuzli klub turnirida urgan gollari soni 30taga yetdi.
Buning uchun esa unga atigi 26 ta o‘yin kerak bo‘ldi. Chempionlar ligasida 30 ta gol urgan avvalgi eng tez o‘yinchi niderlandiyalik hujumchi Rud van Nistelroy edi. Unga bu natijaga erishi uchun 34 ta o‘yin kerak bo‘lgan.
