«Zenit»ning sobiq hujumchisi, hozirda «Korintians»da o‘ynayotgan Yuri Alberto Braziliya terma jamoasiga ilk bor chaqiruv oldi.
Braziliya terma jamoasi bosh murabbiyi vazifasini bajaruvchi Ramon Menezes Yuri Alberto va «Yuventus» himoyachisi Bremerni Marokashga qarshi o‘rtoqlik uchrashuviga chaqirdi.
Braziliya futbol konfederasiyasi matbuot xizmati xabariga ko‘ra, futbolchilar jarohat olgan «Tottenxem» hujumchisi Risharlison va parijliklar himoyachisi Markinyosni almashtirishga chaqirilgan.
22 yoshli Alberto uchun bu Braziliya terma jamoasiga birinchi chaqiruv bo‘ldi, Bremer o‘tgan mavsumdan beri terma jamoaga chaqirilgan va Qatarda bo‘lib o‘tgan jahon chempionatida jamoa tarkibida ishtirok etgan.
25 mart kuni Marokash va Braziliya terma jamoalari o‘rtasida o‘rtoqlik uchrashuvi bo‘lib o‘tadi.
