Himoyachi Rafael Gerreyru ushbu mavsum oxirida Dortmundning "Borussiya"sini tark etishi mumkin. Portugaliyalik futbolchining amaldagi shartnomasi yozda tugaydi. Todofichajes ma’lumotlariga ko‘ra, Gerreyru uchun Angliyada bir qator takliflar bor. 29 yoshli portugaliyalik futbolchi “Aston Villa”, “Everton”, “Lids” va “Vulverxempton”ning e’tiborida.
Rafael Gerreyru 2016 yilning yozidan buyon "Borussiya"da o‘ynab kelmoqda. O‘shandan beri portugaliyalik 215 ta rasmiy o‘yin o‘tkazib, 39 ta gol urgan va 47 ta golli uzatmani hamkorlariga bergan.