"Milan"ning 23 yoshli portugaliyalik hujumchisi Rafael Leau yozgi transfer oynasida sotib yuborilishi mumkin.
Agar tomonlar yangi mehnat shartnomasi bo‘yicha kelisha olmasa, bu voqea sodir bo‘ladi. "Rossonerilar" Leauga olti million yevro maosh bilan shartnoma taklif qilishgan, Rafael esa kamida 7,5 million olmoqchi.
Hujumchining milanliklar klubi bilan amaldagi shartnomasi 2024 yilning o‘rtalariga qadar tuzilgan. Joriy mavsumda Leau 35 ta o‘yinda maydonga tushib, 9 ta gol va 10 ta golli uzatmani amalga oshirgan.