"Милан"нинг 23 ёшли португалиялик ҳужумчиси Рафаэль Леау ёзги трансфер ойнасида сотиб юборилиши мумкин.
Агар томонлар янги меҳнат шартномаси бўйича келиша олмаса, бу воқеа содир бўлади. "Россонерилар" Леауга олти миллион евро маош билан шартнома таклиф қилишган, Рафаэль эса камида 7,5 миллион олмоқчи.
Ҳужумчининг миланликлар клуби билан амалдаги шартномаси 2024 йилнинг ўрталарига қадар тузилган. Жорий мавсумда Леау 35 та ўйинда майдонга тушиб, 9 та гол ва 10 та голли узатмани амалга оширган.













