Мадриднинг «Реал» клуби бош мураббийи Жозе Моуринью бразилиялик вингер Винисиус Жуниорнинг ёзги трансфер ойнасида жамоани тарк этишига қарши эканини билдирди. Бу ҳақда The Telegraph хабар берди.

Манбага кўра, португалиялик мутахассис «қаймоқранглилар» раҳбариятига Винисиусни жамоада сақлаб қолишни истаётганини маълум қилган.

Аввалроқ Винисиусга Лондоннинг «Арсенал» клуби қизиқиш билдираётгани ҳақида хабарлар тарқалган эди. Бразилиялик футболчининг «Реал» билан амалдаги шартномаси 2027 йил ёзига қадар амал қилади.

Винисиус 2018 йилнинг ёзидан буён «Реал» шарафини ҳимоя қилиб келмоқда. Ўтган мавсумда у барча мусобақаларда 53 та учрашувда майдонга тушиб, 22 та гол урди ва 14 та голли узатмани амалга оширди.

Transfermarkt маълумотларига кўра, футболчининг бозор қиймати 140 миллион еврога баҳоланмоқда.