Portugaliya terma jamoasi va Myunxenning "Bavariya" klubi qanot himoyachisi Joau Kanselu joriy mavsum yakunida Germaniya grandida qolishi mumkin. Bu haqda Goal.com jurnalistlar portali xabar bermoqda.
Manbaning ta’kidlashicha, Germaniya chempioni rahbariyati lateral joriy yil boshiga nisbatan yuqori darajadagi futbol namoyish eta boshlaganiga ishonishmoqda. Agar Kanselu shunday davom etsa, unda "Bavariya" uni "Manchester Siti"dan sotib olishi mumkin.
Avvalroq matbuotda "Barselona" Joauni sotib olishi mumkinligi haqida xabarlar tarqalgan edi.
Germaniya chempionatining joriy mavsumida himoyachi oltita bahs o‘tkazib, bitta gol va ikkita golli uzatmaga mualliflik qilgan.