Португалия терма жамоаси ва Мюнхеннинг "Бавария" клуби қанот ҳимоячиси Жоау Канселу жорий мавсум якунида Германия грандида қолиши мумкин. Бу ҳақда Goal.com журналистлар портали хабар бермоқда.
Манбанинг таъкидлашича, Германия чемпиони раҳбарияти латерал жорий йил бошига нисбатан юқори даражадаги футбол намойиш эта бошлаганига ишонишмоқда. Агар Канселу шундай давом этса, унда "Бавария" уни "Манчестер Сити"дан сотиб олиши мумкин.
Аввалроқ матбуотда "Барселона" Жоауни сотиб олиши мумкинлиги ҳақида хабарлар тарқалган эди.
Германия чемпионатининг жорий мавсумида ҳимоячи олтита баҳс ўтказиб, битта гол ва иккита голли узатмага муаллифлик қилган.
