Madridning "Atletiko" klubi himoyachisi Mett Doerti o‘yin vaqti kamligi bilan qanday kurashayotganini aytdi.
“Atletiko”da o‘ynay olmaganim achinarli, lekin men bu bilan kurashishni o‘rgandim. Men mavsum oxirigacha shu yerdaman va bu vaqtdan dars sifatida foydalanaman. Har kuni jahon darajasidagi futbolchilar bilan mashg‘ulot o‘tkazaman va o‘zim uchun yangi narsalarni kashf etishga harakat qilaman. Men deyarli o‘ynamagan bo‘lsam ham, Ispaniyada o‘zimni yaxshi his qilyapman", - deya Doerti so‘zlarini keltiradi Atletiko Universe.
Eslatib o‘tamiz, Doerti yanvar oyida "Tottenxem"dan erkin agent sifatida "Atletiko Madrid"ga o‘tgan edi. Irlandiyalik futbolchi “matraschilar” bilan mavsum oxirigacha shartnoma imzoladi.
