Мадриднинг "Атлетико" клуби ҳимоячиси Метт Доэрти ўйин вақти камлиги билан қандай курашаётганини айтди.
“Атлетико”да ўйнай олмаганим ачинарли, лекин мен бу билан курашишни ўргандим. Мен мавсум охиригача шу ердаман ва бу вақтдан дарс сифатида фойдаланаман. Ҳар куни жаҳон даражасидаги футболчилар билан машғулот ўтказаман ва ўзим учун янги нарсаларни кашф этишга ҳаракат қиламан. Мен деярли ўйнамаган бўлсам ҳам, Испанияда ўзимни яхши ҳис қиляпман", - дея Доэрти сўзларини келтиради Atletiko Universe.
Эслатиб ўтамиз, Доэрти январ ойида "Тоттенхэм"дан эркин агент сифатида "Атлетико Мадрид"га ўтган эди. Ирландиялик футболчи “матрасчилар” билан мавсум охиригача шартнома имзолади.
