"Real" va "Arsenal" klublarining sobiq yarim himoyachisi Mesut O‘zil 34 yoshida professional futboldagi faoliyatini yakunlaganini e’lon qildi.
“Men deyarli 17 yil davomida professional futbolchi bo‘lish sharafiga muyassar bo‘ldim. Men bu imkoniyat uchun juda minnatdorman. Oxirgi haftalarda juda ko‘p jarohat oldim va endi ketishning ayni vaqti degan xulosaga keldim", - deb yozdi O‘zil ijtimoiy tarmoqlarda.
O‘zil "Real Madrid" tarkibida Ispaniya chempioni bo‘ldi, shuningdek, mamlakat kubogini ham qo‘lga kiritdi. "Arsenal" lagerida turk 4 marta Angliya kubogini qo‘lga kiritdi, ammo faoliyatidagi asosiy yutug‘i 2014 yilda Germaniya terma jamoasi bilan jahon chempionatidagi g‘alaba edi.
O‘zilning so‘nggi klubi "Istanbul Bashakshehir" bo‘ldi.
