"Roma" bosh murabbiyi Joze Mourinyo 2010-2013 yillar davomida boshqargan "Real"ga qaytmaydi.
Marca nashri xabariga ko‘ra, "qirollik klubi" rahbariyati portugaliyalik mutaxassisning qaytishini istisno qilmoqda.
Mavsum oxirida jamoani tark etishi mumkin bo‘lgan Karlo Anchelotti o‘rniga Mourinyo "Real"ga tayinlanishi mumkinligi haqida bugun mish-mishlar tarqaldi. Biroq, manbaga ko‘ra, bu mish-mishlar haqiqatga to‘g‘ri kelmaydi.
Eslatib o‘tamiz, Mourinyo bir vaqtlar "Real" bilan ichki maydonda barcha sovrinlarni qo‘lga kiritgan. Chempionlar ligasida portugaliyalik mutaxassis ketma-ket uch marta jamoa bilan yarim final bosqichida maydonga tushdi.
