"Рома" бош мураббийи Жозе Моуриньо 2010-2013 йиллар давомида бошқарган "Реал"га қайтмайди.
Marca нашри хабарига кўра, "қироллик клуби" раҳбарияти португалиялик мутахассиснинг қайтишини истисно қилмоқда.
Мавсум охирида жамоани тарк этиши мумкин бўлган Карло Анчелотти ўрнига Моуриньо "Реал"га тайинланиши мумкинлиги ҳақида бугун миш-мишлар тарқалди. Бироқ, манбага кўра, бу миш-мишлар ҳақиқатга тўғри келмайди.
Эслатиб ўтамиз, Моуриньо бир вақтлар "Реал" билан ички майдонда барча совринларни қўлга киритган. Чемпионлар лигасида португалиялик мутахассис кетма-кет уч марта жамоа билан ярим финал босқичида майдонга тушди.
