"Arsenal" hujumchisi Gabriel Jezus jamoasining bo‘lajak o‘yinlari haqida o‘z fikrlari bilan o‘rtoqlashdi.
"Kanonirlar" xalqaro tanaffusga Angliya Premyer-ligasi peshqadami sifatida chiqishdi - ikkinchi o‘rindagi "Manchester Siti"dan 8 ochko oldinda, "shaharliklar"da bitta o‘yin bor.
“Menimcha, mavsumning eng qiziqarli vaqti keldi – hammasi hal bo‘ladigan o‘yinlar vaqti. Biz birdamlikni namoyish qilishimiz, o‘z o‘yinimizni o‘ynashimiz va iloji bo‘lsa, hech narsani o‘zgartirmasligimiz kerak. Ko‘ramiz, bularning barchasi nimaga olib keladi", - deya braziliyalikning so‘zlaridan iqtibos keltirdi Britaniya OAVlari.
Keyingi o‘yinda "Arsenal" o‘z maydonida "Lids"ni qabul qiladi. Bahs 1 aprel kuni bo‘lib o‘tadi.
