"Barselona" klubi iqtisodiga jiddiy zarba berishi mumkin bo‘lgan jiddiy sanksiyalarga duch kelishi mumkin. El Confidencial jurnalistlarining yozishicha, UYEFA korrupsiya mojarosi tufayli “ko‘k-anorranglilar”ni yevrokuboklardagi ishtirokini cheklamoqchi.
Eslatib o‘tamiz, matbuotda uzoq vaqtdan beri Kataloniya gigantining texnik hakamlar qo‘mitasi sobiq vise-prezidenti Xose Mariya Enrikes Negreyraga to‘lagan pullari tekshirilayotgani haqidagi xabarlar tarqalib kelmoqda. Agar klubning aybi isbotlansa, ular yevrokuboklardan chetlatilishi muqarrar. Bu qaror tufayli "Barsa" yangi mavsumda juda katta zarar ko‘radi.
"Barselona" Ispaniyada chempionlikka juda yaqin turibdi. 26 turdan keyin kataloniyaliklar 12 ochkolik farq bilan ikkinchi o‘rinni egallab turgan "Real"dan o‘zib ketishgan.
