"Барселона" клуби иқтисодига жиддий зарба бериши мумкин бўлган жиддий санкцияларга дуч келиши мумкин. El Confidencial журналистларининг ёзишича, УЕФА коррупция можароси туфайли “кўк-анорранглилар”ни еврокубоклардаги иштирокини чекламоқчи.
Эслатиб ўтамиз, матбуотда узоқ вақтдан бери Каталония гигантининг техник ҳакамлар қўмитаси собиқ вице-президенти Хосе Мария Энрикес Негрейрага тўлаган пуллари текширилаётгани ҳақидаги хабарлар тарқалиб келмоқда. Агар клубнинг айби исботланса, улар еврокубоклардан четлатилиши муқаррар. Бу қарор туфайли "Барса" янги мавсумда жуда катта зарар кўради.
"Барселона" Испанияда чемпионликка жуда яқин турибди. 26 турдан кейин каталонияликлар 12 очколик фарқ билан иккинчи ўринни эгаллаб турган "Реал"дан ўзиб кетишган.
