Ҳужумчи Коди Гакпо шу ёзда «Ливерпуль»ни тарк этиши мумкин. Экрэм Конурнинг берган маълумотларига кўра, нидерландиялик футболчининг хизматларига «Челси» қизиқиш билдирмоқда.
Лондон клуби форвард трансферини Жаҳон чемпионати якунланганидан кейин расмийлаштиришга ҳаракат қилмоқчи. «Қизиллар»нинг футболчини сотиш борасидаги позицияси ҳозирча номаълум.
Коди Гакпо 2023 йилда ПСВдан «Ливерпуль»га 42 миллион евро эвазига ўтган эди. Унинг мерсисайдликлар билан шартномаси 2030 йилнинг 30 июнига қадар мўлжалланган. 2025/26 йилги мавсумда нидерландиялик футболчи барча турнирларда 52 та ўйинда майдонга тушиб, 9 та гол урди ва 6 та голли узатмани амалга оширди. Transfermarkt портали Гакпонинг баҳосини 60 миллион еврога баҳоламоқда.
