Hujumchi Kodi Gakpo shu yozda «Liverpul»ni tark etishi mumkin. Ekrem Konurning bergan ma’lumotlariga ko‘ra, niderlandiyalik futbolchining xizmatlariga «Chelsi» qiziqish bildirmoqda.

London klubi forvard transferini Jahon chempionati yakunlanganidan keyin rasmiylashtirishga harakat qilmoqchi. «Qizillar»ning futbolchini sotish borasidagi pozisiyasi hozircha noma’lum.

Kodi Gakpo 2023 yilda PSVdan «Liverpul»ga 42 million yevro evaziga o‘tgan edi. Uning mersisaydliklar bilan shartnomasi 2030 yilning 30 iyuniga qadar mo‘ljallangan. 2025/26 yilgi mavsumda niderlandiyalik futbolchi barcha turnirlarda 52 ta o‘yinda maydonga tushib, 9 ta gol urdi va 6 ta golli uzatmani amalga oshirdi. Transfermarkt portali Gakponing bahosini 60 million yevroga baholamoqda.