Opta суперкомпьютери Испания терма жамоасини Жаҳон чемпионатининг асосий фаворити деб топди ва уларнинг зафар қучиш имкониятини 16% га баҳолади. Бразилия терма жамоаси эса ушбу ҳисоб-китоблар натижасида бор-йўғи 6% лик кўрсаткич билан олтинчи ўриндан жой олди.
Яқин ўтмишнинг машҳур футболчиси ва мураббийи Юрген Клинсманн бу фикрга қўшилмади.
«Бу масалада мен Opta фикрига қўшилмайман. Opta кўплаб яхши ишларни амалга оширади, аммо менинг фаворитим — Бразилия», — дейди Клинсманн Opta компаниясининг ижтимоий тармоқлардаги саҳифасида эълон қилинган видеода.
Юрген Клинсманн фаворит деб ҳисоблаётган Бразилия терма жамоаси сўнгги бор 2002 йилда Жаҳон чемпионатида ғолиб чиққан эди. Бразилияликлар тарихда жами беш марта жаҳон чемпиони бўлишган.
