Opta superkompyuteri Ispaniya terma jamoasini Jahon chempionatining asosiy favoriti deb topdi va ularning zafar quchish imkoniyatini 16% ga baholadi. Braziliya terma jamoasi esa ushbu hisob-kitoblar natijasida bor-yo‘g‘i 6% lik ko‘rsatkich bilan oltinchi o‘rindan joy oldi.
Yaqin o‘tmishning mashhur futbolchisi va murabbiyi Yurgen Klinsmann bu fikrga qo‘shilmadi.
«Bu masalada men Opta fikriga qo‘shilmayman. Opta ko‘plab yaxshi ishlarni amalga oshiradi, ammo mening favoritim — Braziliya», — deydi Klinsmann Opta kompaniyasining ijtimoiy tarmoqlardagi sahifasida e’lon qilingan videoda.
Yurgen Klinsmann favorit deb hisoblayotgan Braziliya terma jamoasi so‘nggi bor 2002 yilda Jahon chempionatida g‘olib chiqqan edi. Braziliyaliklar tarixda jami besh marta jahon chempioni bo‘lishgan.
