Ҳужумчи Брэдли Барколя шу ёзда «ПСЖ»ни тарк этиши мумкин. CentreGoalHQ нашрининг берган маълумотларига кўра, франциялик футболчининг трансферига «Челси» қизиқиш билдирмоқда.
Лондон клуби форвардни жорий ёзги трансфер ойнасидаги ўзининг бош мақсадига айлантирган. «Кўклар»нинг янги бош мураббийи Хаби Алонсо Барколани «Челси» лойиҳасидаги етишмаётган асосий бўғин деб ҳисобламоқда.
Брэдли Баркола 2023 йилда «Лион»дан «ПСЖ»га 45 миллион евро эвазига ўтган эди. Унинг Париж клуби билан шартномаси 2028 йилнинг 30 июнига қадар мўлжалланган.
2025/26 йилги мавсумда форвард парижликлар сафида барча турнирларда 49 та ўйинда майдонга тушиб, 13 та гол урди ва 7 та голли узатмани амалга оширди. Transfermarkt портали Барколанинг трансфер баҳосини 70 миллион еврога баҳоламоқда.
