“Roma” hujumchisi, avvalroq “Yuventus”da to‘p surgan Paulo Dibala sobiq jamoasidan 50 million yevro undirish uchun sudga murojaat qildi, deb xabar beradi Correira Della Serra.

Nashrning yozishicha, argentinalik o‘tgan mavsum oxirida Turin klubi bilan shartnomani 5 yilga uzaytirish bo‘yicha prinsipial kelishuvga erishgan, biroq “Yuve” rahbariyati o‘z fikrini o‘zgartirib, hujumchi bilan kelishuvni yangilamagan.

Futbolchi 50 million yevro olishni rejalashtirmoqda, bu esa "Yuventus" va’da qilgan besh yillik shartnomadagi maosh miqdori.

Joriy mavsumda 29 yoshli argentinalik futbolchi rimliklar safida barcha turnirlarda 29 ta o‘yinda maydonga tushib, 13 ta gol urdi va 8 ta golli uzatmani amalga oshirdi.