“Рома” ҳужумчиси, аввалроқ “Ювентус”да тўп сурган Пауло Дибала собиқ жамоасидан 50 миллион евро ундириш учун судга мурожаат қилди, деб хабар беради Correira Della Serra.

Нашрнинг ёзишича, аргентиналик ўтган мавсум охирида Турин клуби билан шартномани 5 йилга узайтириш бўйича принципиал келишувга эришган, бироқ “Юве” раҳбарияти ўз фикрини ўзгартириб, ҳужумчи билан келишувни янгиламаган.

Футболчи 50 миллион евро олишни режалаштирмоқда, бу эса "Ювентус" ваъда қилган беш йиллик шартномадаги маош миқдори.

Жорий мавсумда 29 ёшли аргентиналик футболчи римликлар сафида барча турнирларда 29 та ўйинда майдонга тушиб, 13 та гол урди ва 8 та голли узатмани амалга оширди.