"Lill" hujumchisi Timoti Vea "Yuventus"ga o‘tishi mumkin.
Calciomercato xabariga ko‘ra, Turin klubi Veani "PSJ" yoshlar jamoalarida o‘ynagan kunlaridan beri kuzatib kelmoqda. AQSH terma jamoasi futbolchisi atrofidagilar bilan dastlabki aloqalar allaqachon amalga oshirilgan.
Hujumchining "Lill" bilan shartnomasi 2024 yilning yozida tugaydi, shu bois fransuz klubi transfer takliflarini shu yozda ko‘rib chiqishi mumkin. Futbolchining o‘zi o‘zini boshqa chempionatda sinab ko‘rishga ahd qilgan.
Liga 1ning joriy mavsumida 23 yoshli futbolchi 19 ta o‘yinda maydonga tushib, 2 ta golli uzatmani amalga oshirdi.