"Лилль" ҳужумчиси Тимоти Веа "Ювентус"га ўтиши мумкин.
Calciomercato хабарига кўра, Турин клуби Веани "ПСЖ" ёшлар жамоаларида ўйнаган кунларидан бери кузатиб келмоқда. АҚШ терма жамоаси футболчиси атрофидагилар билан дастлабки алоқалар аллақачон амалга оширилган.
Ҳужумчининг "Лилль" билан шартномаси 2024 йилнинг ёзида тугайди, шу боис француз клуби трансфер таклифларини шу ёзда кўриб чиқиши мумкин. Футболчининг ўзи ўзини бошқа чемпионатда синаб кўришга аҳд қилган.
Лига 1нинг жорий мавсумида 23 ёшли футболчи 19 та ўйинда майдонга тушиб, 2 та голли узатмани амалга оширди.