PSV yarim himoyachisi Ibrohim Sangarega "Arsenal", "Chelsi" va "Tottenxem" klublari qiziqish bildirmoqda.
90min xabariga ko‘ra, 25 yoshli futbolchi allaqachon Premyer-liga klublari bilan muzokaralar olib borgan va u yozda 36 million yevroga transfer bo‘lishi mumkin. Uning shartnomasida tovon puli bandi bor.
Kot-d'Ivuarlik futbolchi 2020 yildan buyon PSVda o‘ynab kelmoqda. U joriy mavsumda barcha musobaqalarda 37 ta o‘yinda maydonga tushib, 7 ta gol urdi va 3 ta golli uzatmani amalga oshirdi. Uning shartnomasi 2027 yilning yoziga qadar mo‘ljallangan.