Milanning «Inter» klubi sobiq sardori Juzeppe Bergomi pessimistik fikrda – uning fikricha, «Inter» Yevropaning kuchli sakkizta klubi orasida eng kuchsizi va jamoaga ko‘p narsa yetishmayapti:
«Inter»ning Yevropaning kuchli sakkizta klubi ichiga kirishi mo‘’jiza. Qishda xaridlar bo‘lmadi, ochiq o‘yinda jamoa hech narsa qila olmaydi, unda tezkor futbolchilar yo‘q. Yaxshi o‘yinchilar bor, lekin ular yugurmaydi», deya Bergomining so‘zlarini keltiradi fcinter1908.it.
Eslatib o‘tamiz, Chempionlar ligasi chorak finalida Italiya jamoasi Portugaliyaning «Benfika» klubi bilan kuch sinashishiga to‘g‘ri keladi, birinchi o‘yin 11 aprel kuni bo‘lib o‘tadi.
