"Yuventus" hujumchisi Dushan Vlaxovichga hamon "Arsenal" qiziqish bildirmoqda.
London klubi uzoq vaqtdan buyon 23 yoshli serbiyalik futbolchiga da’vogarlardan biri hisoblanib kelgan va uning bu yozda ketishi "Yuventus"ning Chempionlar ligasiga chiqa olmaslik ehtimolini inobatga olgan holda juda ehtimoliy ssenariy sifatida qaralmoqda. Calciomercato xabariga ko‘ra, "Arsenal" Vlaxovich shartnomasiga birdaniga ikki nafar futbolchisini qo‘shishga tayyor: yarim himoyachi Granit Jaka va vinger Nikolas Pepe Turinga borishi mumkin. Ikkinchisi joriy mavsumni Fransiyaning "Nissa" klubida ijara asosida o‘tkazmoqda.
Dushan Vlaxovichni Transfermarkt 75 mln yevroga, Granit Jakani 28 mln yevroga va Nikolas Pepeni 22 mln yevroga baholagan.