"Milan" bosh murabbiyi Stefano Pioli "Napoli" ustidan qozonilgan yirik g‘alabadan (4:0) keyin o‘z taassurotlari bilan o‘rtoqlashdi.
“Rossonerilar” kutilmaganda A Seriya peshqadamlari darvozasiga safardagi o‘yinda javobsiz to‘rtta gol kiritishdi. Tez orada jamoalar Chempionlar ligasi chorak finalida o‘zaro to‘qnash kelishadi.
“Bu faqat bir qadam. Oldinda bizda to‘qqizta o‘yin bor va biz noto‘g‘ri o‘ynay olmaymiz, chunki biz bu mavsum juda ko‘p bor takrorladik. "Napoli"ni mag‘lub etish ajoyib, ammo bu faqat bitta o‘yin.
Bugungi natija Chempionlar ligasidagi bo‘lajak uchrashuvlarga hech qanday ta’sir ko‘rsatmaydi - bu yerda butunlay boshqacha muhit, boshqa maqsadlar bo‘ladi", - dedi Pioli DAZN nashriga bergan intervyusida.
