Italiyaning “Milan” klubi shvesiyalik hujumchi Zlatan Ibrahimovich bilan shartnomani uzaytirmaslikka qaror qildi. Bu haqda Relevo nashri xabar bermoqda.
41 yoshli Ibrahimovich bu mavsumda milanliklar safida bor yo‘g‘i to‘rtta o‘yinda maydonga tushdi, chunki u avvalroq jarohat olgan edi. Hujumchi bor-yo‘g‘i 144 daqiqani maydonda o‘tkazib, bir gol urdi.
Ibrahimovich “Milan”da 2020 yildan buyon o‘ynab kelmoqda. Futbolchi “rossoneri”ga 2022 yilda Italiya chempionatining oltin medallarini qo‘lga kiritishiga yordam berdi. Shvesiyalik hujumchining Milan klubi bilan shartnomasi shu yilning iyun oyida yakuniga yetadi. Ibrahimovich “Milan”ni tark etsa, professional futbolchilik faoliyatini davom ettiradimi yoki yo‘qmi, hozircha noma’lum.
