Италиянинг “Милан” клуби швециялик ҳужумчи Златан Ибраҳимович билан шартномани узайтирмасликка қарор қилди. Бу ҳақда Relevo нашри хабар бермоқда.
41 ёшли Ибраҳимович бу мавсумда миланликлар сафида бор йўғи тўртта ўйинда майдонга тушди, чунки у аввалроқ жароҳат олган эди. Ҳужумчи бор-йўғи 144 дақиқани майдонда ўтказиб, бир гол урди.
Ибраҳимович “Милан”да 2020 йилдан буён ўйнаб келмоқда. Футболчи “россонери”га 2022 йилда Италия чемпионатининг олтин медалларини қўлга киритишига ёрдам берди. Швециялик ҳужумчининг Милан клуби билан шартномаси шу йилнинг июн ойида якунига етади. Ибраҳимович “Милан”ни тарк этса, профессионал футболчилик фаолиятини давом эттирадими ёки йўқми, ҳозирча номаълум.
