"Bavariya" bosh murabbiyi Tomas Tuxel yarim himoyachi Jamol Musiala ertaga Germaniya Bundesligasining navbatdagi turi doirasida bo‘lib o‘tadigan "Frayburg"ga qarshi o‘yinda jamoasining asosiy tarkibiga kirishga tayyorligini aytdi.

“Jamol juda aqlli yigit. Oxirgi o‘yinda so‘nggi daqiqalarda penalti tepganida omad kulib boqmadi. Biroq, u yaxshi mashq qildi. Musiala ertangi "Frayburg"ga qarshi o‘yinda maydonga tushishga tayyor, - dedi Tuxel matbuot anjumanida.

Eslatib o‘tamiz, Musiala mart oyi oxirida Germaniya terma jamoasining o‘yinlarini jarohati tufayli o‘tkazib yuborgan edi.