"Бавария" бош мураббийи Томас Тухель ярим ҳимоячи Жамол Мусиала эртага Германия Бундеслигасининг навбатдаги тури доирасида бўлиб ўтадиган "Фрайбург"га қарши ўйинда жамоасининг асосий таркибига киришга тайёрлигини айтди.
“Жамол жуда ақлли йигит. Охирги ўйинда сўнгги дақиқаларда пеналти тепганида омад кулиб боқмади. Бироқ, у яхши машқ қилди. Мусиала эртанги "Фрайбург"га қарши ўйинда майдонга тушишга тайёр, - деди Тухель матбуот анжуманида.
Эслатиб ўтамиз, Мусиала март ойи охирида Германия терма жамоасининг ўйинларини жароҳати туфайли ўтказиб юборган эди.
