Karlo Anchelotti o‘zini "Barselona"ga murabbiy sifatida tasavvur qila olmasligini aytdi.
“Barselona”ga murabbiylik qilishimni tasavvur qilib bo‘lmaydi.
Men Xavi va "Barselona"ni juda hurmat qilaman, lekin o‘zimni aldolmayman, chunki men dunyoning eng yaxshi klubidaman, unda katta muhabbat bor va men hech narsani o‘zgartirishni xohlamayman.
Biz o‘zimizdan mamnunmiz, garchi biz "Barselona"dan chempionatda ortda qolayotgan bo‘lsak ham. Kataloniyaliklar hozirda juda yaxshi o‘yin ko‘rsatishmoqda.
La Ligada matematika bizga qarshi bo‘lsa-da, kurashni davom ettiramiz”, - dedi “Real” bosh murabbiyi.
Madridliklar Ispaniya chempionati turnir jadvalida “Barselona”dan 12 ochko ortda qolmoqda.
