Hujumchi Jan-Kevin Ogyustin FIFAga ko‘ra, "Lids"dan 24,5 million funt olmoqchi.
Inglizlar futbolchini 2020 yilning yanvar oyida "Leypsig"dan ijaraga olgandi. "Tovuslar" safida u 3ta o‘yin o‘tkazdi, iyun oyida yana "buqalar"ga qaytdi. Shartnomaga ko‘ra, agar jamoa Premyer-ligaga chiqsa, "Lids" futbolchining huquqlarini sotib olishi shart edi va "Lids" o‘sha mavsumda APLga yo‘l oldi. Ingliz tomoni shartnoma 2020 yilning 30 iyuniga qadar amalda ekanligini ta’kidladi, biroq pandemiya sababli mavsum shu sanadan keyin davom etdi, APLga qaytish esa 17 iyulda qo‘lga kiritildi.
FIFA "Leypsig"ning shikoyatini qanoatlantirdi, Sport arbitraj sudi ham bu bahsda nemis tomoni haqli deb hisobladi. “Lids”ga “Leypsig”ga 18,4 million funt sterling to‘lash majburiyati yuklangan, biroq tomonlar mojaroni hal qilishga kelishib olishgan, inglizlar esa 15,5 million funt to‘lagan.
Ogyustin ham nizolarni hal qilish uchun FIFA palatasiga da’vo arizasi berishga qaror qildi, u qisman qanoatlandi. Ehtimol, "Lids" endi futbolchiga 5 yillik maoshiga teng (haftasiga taxminan 90 ming funt) pul to‘laydi.
