"Bavariya" yarim himoyachisi Leon Goreska Chempionlar ligasining birinchi chorak finalida "Manchester Siti"dan uchralgan mag‘lubiyat (0:3) haqida fikr bildirdi. Germaniyalik yarim himoyachi bir haftadan so‘ng Germaniyada bo‘lib o‘tadigan javob o‘yinidan umidlari bilan o‘rtoqlashdi.
“Menimcha, ko‘p jamoalar bu stadionga kelib, biz kabi ustunlik qila olmaydi. Biroq, individual xato hamma narsani buzdi. Javob o‘yinida imkoniyatimiz kam, ammo qo‘limizdan kelganini qilishga harakat qilamiz”, dedi Goreska “Bavariya” rasmiy saytiga o‘yindan keyin bergan intervyusida.
