"Real" yarim himoyachisi Federiko Valverde "Vilyarreal" vingeri Aleks Baena bilan bo‘lgan mojaro haqida gapirdi.

“Ha, hissiy jihatdan o‘zimni yaxshi his qilyapman. Bu vaqt ichida meni oilam, madridliklar va ko‘chadagilar qo‘llab-quvvatladilar. Haqiqat shuki, men buni juda qadrlayman", - deydi Valverde.

8 aprel kuni bo‘lib o‘tgan Ispaniya chempionatining 28-turidan o‘rin olgan "Real" - "Vilyarreal" (2:3) uchrashuvidan so‘ng Valverde Baenaning yuziga zarba bergan edi. Marca nashrining yozishicha, mojaro Baena Valverdening yangi tug‘ilgan chaqalog‘ini masxara qilgani uchun boshlangan.