"Atletiko Madrid" hujumchisi Antuan Grizmann Ispaniya chempionatining joriy mavsumidagi o‘yini haqida gapirdi.
"O‘ylaymanki, bu mavsum "Atletiko" uchun gollar va golli uzatmalar bo‘yicha men uchun eng yaxshisi bo‘ladi. Hozir o‘z o‘yinimdan to‘liq qoniqdim, lekin hali chegaraga yetganim yo‘q. Yaqin kelajakda maksimal ko‘rsatkichga erishaman" - dedi Grizmann Marca bilan suhbatda.
Grizmann joriy mavsumda 29 ta o‘yinda maydonga tushdi. 32 yoshli hujumchi hisobida 11 ta gol va 8 ta golli uzatma bor.
La Liganing 29-turi yakunlariga ko‘ra, "matraschilar" 60 ochko jamg‘arib, turnir jadvalida uchinchi o‘rinda bormoqda.
