"Атлетико Мадрид" ҳужумчиси Антуан Гризманн Испания чемпионатининг жорий мавсумидаги ўйини ҳақида гапирди.
"Ўйлайманки, бу мавсум "Атлетико" учун голлар ва голли узатмалар бўйича мен учун энг яхшиси бўлади. Ҳозир ўз ўйинимдан тўлиқ қониқдим, лекин ҳали чегарага етганим йўқ. Яқин келажакда максимал кўрсаткичга эришаман" - деди Гризманн Marca билан суҳбатда.
Гризманн жорий мавсумда 29 та ўйинда майдонга тушди. 32 ёшли ҳужумчи ҳисобида 11 та гол ва 8 та голли узатма бор.
Ла Лиганинг 29-тури якунларига кўра, "матрасчилар" 60 очко жамғариб, турнир жадвалида учинчи ўринда бормоқда.
