"Bavariya"ning sobiq bosh murabbiyi Yulian Nagelsmann, agar mavsum oxirida Karlo Anchelotti ketadigan bo‘lsa, "Real Madrid"ning yangi bosh murabbiylik lavozimiga nomzodlar ro‘yxatida.

Jurnalist Florian Plettenbergning fikricha, “qaymoqranglilar” qiziqish bildirayotganiga qaramay, nemis mutaxassisi klub uchun ustuvor nomzod emas.

Oldinroq "Real Madrid" "PSJ"dan iste’foga chiqarilganidan keyin deyarli bir yildan beri ishsiz qolgan Maurisio Pochettinoni tayinlashga ko‘proq moyil ekanligi xabar qilingandi. Shuningdek, matbuotda Raul Gonsales va hozirda "Bayer"ni boshqarayotgan Xabi Alonso haqida ham mish-mishlar tarqaldi.

Nagelsmannga hozirda Londonning "Chelsi" jamoasi ham ish taklif qilmoqda.