Superliga 7-turidan o‘rin olgan “Surxon” – “Bunyodkor” (1:0) uchrashuvidan so‘ng mehmonlar bosh murabbiyi Murod Otajonov o‘z fikrlarini bildirib o‘tdi.

“Nasaf”ga qarshi bahsdan so‘ng yigitlar emosional jihatdan o‘zlariga kela olishmadi. Bugun shogirdlariim o‘zlariga o‘xshashmadi.

Hujumchi muammosi butun chempionatda mavjud. E’tibor berayotgan bo‘lsangiz, ayrim jamoalar 2-3 to‘p farqi bilan g‘alaba qozonmoqda, qolganlar esa bitta gol bilan cheklanmoqda.

Abdumannopovda kichik jarohat bor edi va endigina tiklanib bormoqda. Aslida bugun uni boshlang‘ich tarkibda maydonga tushirmoqchi edik, ammo shifokorlar hali erta ekanligini ta’kidlashdi”, – dedi Otajonov.