Turinning “Yuventus” jamoasi ustozi Massimiliano Allegri “keksa sinyora”dagi kelajagi haqida gapirdi. Avvalroq mutaxassis joriy mavsum yakunida iste’foga chiqarilishi mumkinligi haqida xabarlar tarqalgan edi.
“Men Turinda baxtliman. Yetti yil davomida bunday klubda kam odam ishlashi mumkin. Qiyin davrlar bo‘ldi, lekin ularni boshdan kechirish va davom ettirish kerak. Yangi mavsumga tayyorlanyapman. "Yuventus" g‘alaba qozonishi kerak. Biz jamoani yana yuqori pog‘onaga olib chiqish uchun qo‘limizdan kelganini qilamiz", - dedi murabbiy.
A Seriyaning 31-turidan so‘ng “Yuventus” 59 ochko jamg‘arib, turnir jadvalida uchinchi o‘rinda bormoqda.
