Туриннинг “Ювентус” жамоаси устози Массимилиано Аллегри “кекса синьора”даги келажаги ҳақида гапирди. Аввалроқ мутахассис жорий мавсум якунида истеъфога чиқарилиши мумкинлиги ҳақида хабарлар тарқалган эди.
“Мен Туринда бахтлиман. Етти йил давомида бундай клубда кам одам ишлаши мумкин. Қийин даврлар бўлди, лекин уларни бошдан кечириш ва давом эттириш керак. Янги мавсумга тайёрланяпман. "Ювентус" ғалаба қозониши керак. Биз жамоани яна юқори поғонага олиб чиқиш учун қўлимиздан келганини қиламиз", - деди мураббий.
А Сериянинг 31-туридан сўнг “Ювентус” 59 очко жамғариб, турнир жадвалида учинчи ўринда бормоқда.
