«Barselona» ustozi Xavi Ernandes La liganing 31-turi doirasida «Rayo Valyekano»ga qarshi bo‘lib o‘tgan o‘yin (1:2) borasida o‘z fikrini bildirib o‘tdi.

«Har bir o‘yin o‘ziga xos. «Rayo» so‘nggi yillarda biz uchun qiyin raqibga aylandi. Ular o‘yin davomida bizga nisbatan juda serharakat bo‘lishdi.

O‘yinchilarga aytar gapim shuki, hali sovrinni qo‘lga kiritmadik. La ligada g‘oliblik osonlik bilan qo‘lga kiritilmaydi. Safardagi har bir uchrashuv esa — bu jang. Mag‘lubiyat bizni ranjitadi va g‘azablantiradi.

Bugun biz omadsizlikka uchradik. Juda yaxshi imkoniyatni qo‘ldan chiqarganimizdan hafsalamiz pir bo‘ldi. «Atletiko»ga qarshi juda yaxshi o‘ynagandik, bugun esa yomon o‘ynadik», — dedi Xavi.