Insayder Sasha Tavolyeri xabariga ko‘ra, "Tottenxem" "Byornli" bosh murabbiyi Vensan Kompani bilan muzokaralar olib bormoqda.
Grem Potter, Mikel Arteta, Eddi Xau va Stiven Jerarning manfaatlarini himoya qiluvchi Wasserman kompaniyasi vositachilik vazifasini bajarmoqda.
U tayinlangan taqdirda Kompani o‘zi bilan 7 nafar yordamchini olib keladi va transferlar muhokamasida o‘z so‘zini aytadi.
Eslatib o‘tamiz, mart oyi oxirida "shporlar" klubni 2021 yilning noyabridan buyon boshqarib kelayotgan Antonio Konte bilan shartnomani bekor qilganini e’lon qilgan edi.
Uning yordamchisi Kristian Stellini vaqtinchalik bosh murabbiy bo‘ldi, biroq u ham "Nyukasl"ga 1:6 hisobida mag‘lub bo‘lgach, ishdan bo‘shatildi.
Rayan Meyson hozirda jamoa bilan ishlamoqda.
