Инсайдер Саша Тавольери хабарига кўра, "Тоттенхэм" "Бёрнли" бош мураббийи Венсан Компани билан музокаралар олиб бормоқда.
Грэм Поттер, Микель Артета, Эдди Хау ва Стивен Жерарнинг манфаатларини ҳимоя қилувчи Wasserman компанияси воситачилик вазифасини бажармоқда.
У тайинланган тақдирда Компани ўзи билан 7 нафар ёрдамчини олиб келади ва трансферлар муҳокамасида ўз сўзини айтади.
Эслатиб ўтамиз, март ойи охирида "шпорлар" клубни 2021 йилнинг ноябридан буён бошқариб келаётган Антонио Конте билан шартномани бекор қилганини эълон қилган эди.
Унинг ёрдамчиси Кристиан Стеллини вақтинчалик бош мураббий бўлди, бироқ у ҳам "Ньюкасл"га 1:6 ҳисобида мағлуб бўлгач, ишдан бўшатилди.
Райан Мейсон ҳозирда жамоа билан ишламоқда.
