Foot Mercato xabariga ko‘ra, «PSJ» rahbarlari «Roma» bosh murabbiyi Joze Mourinyo bilan bog‘lanishdi.

Manba bergan xabarga ko‘ra, Parij klubi rahbarlarini birinchi navbatda portugaliyalikning kiyim almashtirish xonasini boshqarish qobiliyati maftun qilmoqda.

Biroq «PSJ» rahbarlari «Roma» vakillari bilan Mourinyo haqida hozircha hech qanday rasmiy tarzda gaplashishmagan.

Ma’lumotlarga ko‘ra, Mourinyoning o‘zi Fransiyaning top-klubi bilan ishlash imkoniyatidan juda xursand.

«PSJ»ning amaldagi bosh murabbiyi Kristof Galtye kelasi mavsumda katta ehtimol bilan jamoani boshqarmasligini tushunib turibdi va shu munosabat bilan u o‘zi uchun yangi klub izlashni boshlash niyatida.