Foot Mercato хабарига кўра, «ПСЖ» раҳбарлари «Рома» бош мураббийи Жозе Моуриньо билан боғланишди.
Манба берган хабарга кўра, Париж клуби раҳбарларини биринчи навбатда португалияликнинг кийим алмаштириш хонасини бошқариш қобилияти мафтун қилмоқда.
Бироқ «ПСЖ» раҳбарлари «Рома» вакиллари билан Моуриньо ҳақида ҳозирча ҳеч қандай расмий тарзда гаплашишмаган.
Маълумотларга кўра, Моуриньонинг ўзи Франциянинг топ-клуби билан ишлаш имкониятидан жуда хурсанд.
«ПСЖ»нинг амалдаги бош мураббийи Кристоф Галтье келаси мавсумда катта эҳтимол билан жамоани бошқармаслигини тушуниб турибди ва шу муносабат билан у ўзи учун янги клуб излашни бошлаш ниятида.
