«Milan»ning ikki oshpazi Anjelo Rokavilya va Salvatore Donnarumma joriy mavsumda «Napoli»ga A Seriya chempionligini olib bergan Luchano Spaletti sharafiga yangi turdagi risotto tayyorladi.

Taom «Mare Fuori» deb nomlangan, ya’ni «dengizga borish» degan ma’noni anglatadi. Moviy rangga qo‘shimcha ravishda, uning ajralib turadigan xususiyati dengiz mahsulotlaridir.

Anjelo Rokavilyaning so‘zlariga ko‘ra, risottoning yangi turini tayyorlashga nafaqat «Napoli» chempionligi, balki oshpazning Spaletti bilan do‘stligi ham sabab bo‘lgan.

«Buyuk inson va shuningdek, ajoyib murabbiy», dedi Rokkavilya.

«Napoli» klub tarixidagi uchinchi Skudettoni qo‘lga kiritdi. Dastlabki ikkitasi o‘tgan asrda – 1986/87 va 1989/90 yilgi mavsumlarda qo‘lga kiritilgan.