«Bayer» bosh murabbiyi Xabi Alonso «Real»ning unga bo‘lgan qiziqishi haqidagi ma’lumotlarga izoh berdi.

«Mavsumning ushbu bosqichida turli mish-mishlar bo‘lishi men uchun normal holat. Men ko‘p yillardan beri futboldaman.

Lekin bu mavsumda hali katta natijalarga erishishimiz kerak. Shuning uchun ham so‘nggi bir necha oy ichida butun fikrim 100 foiz «Bayer»ga qaratilgan.

Kelgusi mavsumda esa bu klub bilan 100 foiz ishlayman», — dedi Alonso.

Alonso «Bayer»ni 2022 yilning oktyabr oyida qabul qilgan, o‘shanda jamoa Bundesligada 17-o‘rinda edi.

Endi esa jamoa evrokuboklar yo‘llanmasi uchun kurashga qaytdi va Yevropa Ligasi yarim finaliga ham chiqdi.